قالت والدة الشهيد إسلام مشهور إن هذا اليوم بعد إعدام الإرهابى هشام عشماوى النهاردة يوم عيد، دم ابنى مرحش هدر وكنت عارفه إن حق ابنى هيرجع".
وأضافت والدة الشهيد في تصريحات لبرنامج مساء دى إم سى مع الإعلامية إيمان الحصرى بعد سنتين وأربعة أشهر حسيت إن حق ابنى رجع تانى وبقول لابنى اللى عملته شرف لينا وشرف ليك وشرف لبلدك ولو رجع بينا الزمن هوافق إنك تبقى في نفس موقعك، وبشكر القيادة السياسية وعلى رأسهم الرئيس السيسي الذى لم يتهاون في نقطة دم أولادنا، وبقول لزملائه إن شاء الله هتكملوا مسيرتكم وربنا يحفظكم.
وقال والده أنا كنت سعيد جدا وفى ناس كثيرة بتتصل بينا وبتهنينا وثقتنا كبيرة في جيشنا وشرطتنا وقضائنا، والسيسي بيحس بينا وبيتعامل مع الشهداء على أنهم أولاده وكل طلباتهم مجابة وبيستخدم كل قوته للقبض على الإرهابيين ومحاكمتهم وعاوز أقول إن عظمة مصر في شبابها، وإعدام عشماوى هذا الخائن عبرة لكل من تسول له نفسه أن يخون بلده، ورسالة لكل الدول والجماعات اللى بتمول الإرهاب إن دى نهاية كل خائن وإن العدل هيطبق.