قال المطرب رامى صبرى:" أنا كنت مخلص أغنيتى حياتى مش تمام منذ فترة ونزلتها في وقت نزوول أغنية عمرو دياب والحمد لله نجحت، وأنا مبقيتش في مرحلة إنى أخاف انا أهم حاجة عندى هي الجمهور وطبعا ما عنديش حتة إنى أقلق من عمرو دياب لكن أنا بحبه جدا وبحترمه واتعلمت منه وأنا طفل.
وأضاف خلال لقائه مع الإعلامية ناردين فرج على القناة الأولى المصرية ببرنامج التاسعة: أنا كنت عاوز أنزلها في عيد الحب واكتشفت إن في ناس تانية منزلة أغانيها والسوق كبير والجمهور محتاج يسمع حاجات كثيرة ودى فرصة إنى أشوف أنا وصلت لإيه ومستوايا بقى فين، زمان كان من الممكن أن الناس تخاف، وقررت الفترة اللى جاية أنزل أغانى سينجل لأن الجمهور محتاج يسمع أغانى كتير والألبوم بياخد وقت كبير أنا كنت بنزل ألبوم كل سنتين، والسينجل بيخلى اسمك موجود طول الوقت وكل فترة سوق المزيكا في مصر بيتغير لازم نتغير معاه علشان نتطور.