عرض الإعلامي نشأت الديهي، لفتاة من رواد تطبيق "تيك توك" تطالب الفتيات بالاشتراك في تطبيق جديد، تتواصل فيه الفتيات عبر فتح الكاميرات مقابل الحصول على مبلغ مادي نظير ذلك.
وقالت الفتاة في فيديو عرضه نشأت الديهي ببرنامج بالورقة والقلم، الذي يذاع على قناة ten: "أنا عارفة أن الناس كلها بتمر بضائقة مادية في الفترة دي، عشان كدة أنا أخدت وكالة من تطبيق، وبطلب منكو تشتركوا فيه، وكل اللي مطلوب منكو أنكو تفتحوا الكاميرا ويكون شكلك لائق ويكون النت كويس عندك والإضاءة كويسة، وهتاخدي مقابل ده فلوس بالدولار".
وقال الديهي تعليقا على الفيديو: "أنا مش مصدق نفسي هو الفيديو ده حقيقي؟، الناس اللي تفهم في الحاجات دي تقولي اللي قالته ده معناه إيه، هل دي دعارة مقننة ولا ايه بالظبط، أتمنى اتخاذ الإجراءات القانونية ضد الناس دي، وإيه البنت دي بتتكلم كدة ليه، أنا والله كل اللي قالقني بناتنا وبيوتنا يشوفو الكلام ده، الموضوع ده في منتهى الخطورة ولازم وقفة قصاد حاجة زي دي".
وكانت قد ظهرت إحدى الفتيات المشهورات على تطبيق "تيك توك" في فيديو عبر التطبيق تطالب فيه الفتيات في أحد التطبيقات من خلال التواصل بالكاميرا مع أخرين مقابل الحصول على مبالغ مالية نظير ذلك، وواجه الفيديو موجه من الغضب على مواقع التواصل الاجتماعي.