قال الإعلامى تامر أمين تعليقا على سهره فى أماكن بها "راقصات"، "صحيح أنى أسهر، وفى إحدى المرات كنت سهران فى مكان كان فيه رقاصة.. وفوجئت بسيدة محترمة بجانبى تقول لى: "مانت بتسهر زينا أهو.. أمال ليه عامل فيها شيخ"، فكان ردى، "أنا عمرى ما قولت انى شيخ .. وبأزعم أنى ماعملش حاجة غلط .. ورأيى فى الرقص مالهوش علاقة بالسهر فى الأماكن العامة.. ومافيش حاجة اسمها رقاصة محترمة".
وأضاف أمين فى برنامج "شيخ الحارة"، تعليقا عن علاقته بشريف مدكور، قلت رأي فى شخصيته حينما ظهر فى إحدى برامج رامز جلال وأتعصب عليه بعد المقلب، ووجدت شخصية أخرى غير التى تظهر على الشاشة، ومن هنا قولت رأي، وأنا ماعرفش شريف زعل ليه، وديه حاجة كويسة أنه يغير من نفسه .. نيتى كانت المدح .. شريف ناجح أنه يرسم شخصية مختلفة عن شخصيته الحقيقية وفوجئت انه زعل".
وتابع أمين، مش حقيقى أن شكلى مودرن وتفكيري قديم، "فأنا راجعى وأفتخر" ولكن بمفهوم غير مفهومك .. أقصد المحافظة والتطور غير المضر، أنا على قديمه مع التحسينات اللى تناسبنا"، و"أنا لا أنفى تهمة إنى بصباص .. أنا شخص بحب الجمال فى الطبيعة أو فى الستات".
وعن علاقته بياسمين الخطيب قال أمين، قابلتها من 5 سنين وكانت بتقول انها فنانة تشكيلية، وعجبنى شكلها وطريقة تفكيرها وعرضت عليها أن تقدم معى فقرة فى روتانا، اسمها ادم وحوا، ونتخانق خناقات الرجالة والستات، ووافقت والفقرة حققت نجاح.
وعن علاقته بالفنان محمد رمضان وهجومه المستمر عليه، "مش حقيقي إنى بهاجم رمضان علشان أستفز جمهوره ويتابعونى.. رمضان عنده كنز وثروة بيضيعها بإيده، وبستخسر اللى هو بيعمله".