قال عمر مصطفى، الشاب الذى تعرض لحادث موتوسيكل أثناء مرور الرئيس السيسي: "أنا كنت سائق الموتوسيكل وتعرضنا لحادث وأنا جالس على الرصيف لقيت عدد كبير من الضباط جايين يطمنوا عليا ومعاهم دكتور".
وأضاف، خلال مداخلة هاتفية ببرنامج مساء دى إم سى مع الإعلامى رامى رضوان: "بعدها لقيت سيارة والباب بيتفتح ولقيت الرئيس بيقولى أنت مش لابس خوزة ليه وخد بالك من نفسك، أنا فقدت النطق ساعتها، وجابلنا سيارة إسعاف وصديقى مينا كان أول مرة يركب موتوسيكل وأول مرة يركب معايا، والضباط ماسابوناش غير لما اتطمنوا علينا وأنا على طول بلبس الخوزة واليوم الوحيد اللى مالبستش فيه الخوزة قابلت الرئيس، وهما جابولنا خوزة برضه".
وأكد عمر مصطفى: "كان نفسى أقابل الرئيس والحمد لله ربنا رزقنى، وأنا بشكره وبدعيله وبقوله ربنا يعينك حملك تقيل، وأنا بحبه".