باسم كميل يعلن شفائه من كورونا بعد 4 أسابيع من إصابته: الفيروس بخ خلاص

أعلن الإذاعى باسم كميل، مذيع برنامج "فول 92.1" المذاع على راديو "إينرجى"، عن شفائه من فيروس كورونا واختفاء جميع الأعراض المصاحبة له بعد معاناته لمدة أربعة أسابيع. وكتب باسم كميل عبر حسابه بموقع "انستجرام" :" أخيرا أخبار حلوة بعد تقريبا ٤ أسابيع في الحجر المنزلي "اوضة نومي" و بعد تحاليل و إشاعات و أدوية كتيرة قوي. رحت إمبارح عملت إشاعة مقطعية علي صدري، و أول ما النتيجة طلعت بعتها للدكاترة اللي كنت متابع معاهم فورا، و الحمد الله مليون مرة أكدوا لي إن كل الاعراض و العلامات اللي كانت عندي راحت خلاص و إن صحتي بقيت زي الفل و إن الفيروس (بخ خلاص) ". وتابع :"الحمد لله علي كل حاجة. الحمد لله إن الفيروس كان بسيط معايا، الحمد لله علي أهلي اللي من غيرهم كنت إتجننت، الحمد لله علي أصحابي اللي عمري ما كنت أتخيل أنهم بيحبوني كده، الحمد لله عليكوا انتم اللي تشجيعكم و حبكم ليا فرق معايا بشكل غير طبيعي و غير في شخصيتي تماما". وأختتم كلامه قائلا :"أخيرا هرجع لحياتي الطبيعية، بالتدريج طبعا مش مرة واحدة. و هعمل كل الحاجات اللي وحشتني قوي، طبعا مع كل الإحتياطات اللازمة علشان مفيش دليل لحد دلوقتي بيقول إن لا يمكن أتعدي تاني. و أخيرا هبدأ أعمل كل الحاجات اللي قررت أعملها أول ما أخف ..الحمد لله جدا علي كل حاجة ".




الاكثر مشاهده

علماء العالم الإسلامي يُرشحون مركز الحماية الفكرية لإعداد موسوعة عن "المؤتلف الفكري الإسلامي"

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

;