علق الإعلامي عمرو أديب، على المناورة الأخيرة للقوات المسلحة المصرية جسم 2020، وقال:"الجيش المصري بيتدرب تدريبات عالية للتعامل مع المرتزقة والجيش التركي اللي مقرر خلاص أن يدخل سرت والجفرة، الجيش اتدرب على ضربات في العمق وعلى المدى القريب والبعيد، وسلاح الإشارة المصري هو الوحيد القادر على التعامل مع الطائرات التركية المسيرة اللي الأتراك بيعتبروها فخر ليهم".
وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر:"الأتراك لما قاعدة الوطية اتضربت مطلعتش قالت مين ضرب ولا نددت، عشان هي ماشية بمبدأ مش هاخد عزا غير لما أخد بالتار، لكن أنا أحب أقول لكل اللي بيشوفونا دلوقتى، أن الأتراك اتهزوا نفسيا بسبب الـ 9 ضربات اللي اتضربتهم مضادات الطائرات والدفاع الجوي التركي في الوطية".
وقال عمرو أديب: "الجيش المصري في المناورة الأخيرة له، بيقول لأي حد لو هتقرب أنا هقطع إيدك دي متحاولش، وأنا أعتقد أن الجيش المصري مستعد وجاهز لأي احتمالية".
وأضاف: "كنت بسأل أيام الإخوان الأخبار بتروح على وكالة الأناضول قبل ما توصل لمصر ليه، دلوقتي فهمت أن أسرار وقرارات مصر بيتم اتخاذها في الخارج، وبالمناسبة الأناضول انهاردة مطلعين تقرير بيقولوا فيه إن ليبيا رابع أكبر دولة في إفريقيا ويقطنها عدد قليل من السكان، وتمتلك ساحل طويل وثروة سمكية هامة وخاصة على ساحل سرت، وكمان مركز للثروة النفطية والغازية، الناس دي بتعلن رسمي عن أطماعها في ليبيا".