كشف الإعلامي محمد الباز، عن تورط المقاول الهارب محمد علي في النصب بإسبانيا، وقال: "الولد ده نصاب طول الوقت، محمد علي في كتالونيا، بيدفع لـ 4 أو 5 صحف علشان يكتبوا عنه ويلمعوه ويوصفوه بأنه فرعون كتالونيا، وقالت إحدى الصحف إنه لديه مشروع بناء هرم زجاجي في كتالونيا، وبدأت باقي الجرائد تكتب، وفجأة طلعت الحكومة في كتالونيا بأنها متعرفش أي حاجة عن المشروع ده وكل الكلام اللي بيتقال ده كدب".
استعرض الإعلامي محمد الباز فيديو لمديرة أعمال المقاول الهارب محمد علي وهي تؤكد أنه شخص فاسد ويشرب خمور بقيمة 40 ألف جنيه، وهو شخص فاسد ولا يهتم بالأساس بـ"الغلابة" كما يدعي، وقالت: "لما كان بيسكر كان بيقول الحقيقة، وهو كان مبهدل أهله، ووالدته بتطلب منه حقها في ميراث أخوه وهو مش عاوز يدهولها، وكان متورط في تهريب آثار".
وطالب المواطنين بالابتعاد عن الحياد والوقوف في منطقة محايدة وعلى مسافة واحدة من مصر وأعداءها هي خيانة، لا حياد وقت الحرب، مؤكدًا أنه سيظل يرد على أي شائعة خاصة بمصر تطلقها تلك المنصات الكاذبة المضللة.