علق الإعلامى عمرو أديب، على تسريبات هيلارى كلينتون، قائلا: "الأمريكان منتظرين تسريبات أخرى لهيلارى بعلاقتها بروسيا، والميل المرسل لها فى 2012 بعد الانتخابات النيابة بمصر، يقول فيه: الانتخابات خلصت والاخوان خدوا 50% من المقاعد، وعلى فكرة هما دلوقتى بيحاولوا يتفقوا مع حزب النور وبعض اللبراليين عشان يعملوا تكتل بنسبة 75% من المجلس".
وأضاف خلال برنامجه الحكاية المذاع على قناة أم سى سى مصر، :" كل التسريبات عن الإخوان وعلاقتها بمصر وأمريكا يتعمل بيها كتاب، البلد كانت مخترقة تماما فى حكم الإخوان، محدش عارف المعلومات جات من فين وعلى فكرة ده محصلشى فى 25 يناير وفيه ناس شغاله على الأرض، كان عندهم ضباط زى الفل لنقله للمعلومة كان دقيق وتوقعه للى حصل، البلد مخربقه وبيتعمل فيها إللى أنتا عاوزة وقتها كانت الفكرة جمعيات أهلية وخلى الناس تتعلم الديمقراطية".
وتابع:" فيه ناس كتير منبهرة بالمعلومات ولازم تقعد تفكر هو أيه اللى كان حاصل والناس دى كانت أديها طيلة كده ليه، وعندى أيميل له دلالة عندى، السفارات جزء من شغلها جمع معلومات من الدولة المتواجد بها، وهناك أكتر من معلومات كانت غلط ودت دول فى داهية، والعكس، ومصر لم تحكم من مصر كانت تحكم من امريكا وقطر وتركيا، وجوا مصر يسير الأمور جماعة الإخوان".
وأوضح: "والإخوان طالبوا هيلارى أن المعونة إللى بتروح للجيش تجيلنا مش عاوزها تروح للجيش تانى عشان يعملوا بيها ميليشات إرهابية، والإخوان بيكرهوا الجيش المصرى من أيام جمال عبد الناصر، كراهية التحريم، وهيلارى كانت بتحرك مرسى كما تريد".