تستعرض برامج التوك شو يوميا فى مصر العديد من الموضوعات الهامة والرئيسية على المستويين المحلى والعالمى، ويوجد ضمن تلك الموضوعات عدد من اللقطات البارزة: والد فتاة تنزف من عينيها وعجز الأطباء عن علاجها: بنخرج دبابيس من جسمها
أكد "عم صلاح" والد فتاة تسمى "سعاد صلاح"، تعانى من نزيف من عينيها وفمها، أنه استنفذ كل الحلول الطبية لعلاج ابنته، من المرض الذى تعاني منه، وقال: "الدكتور قالي إن البنت عينيها زى الفل مفيهاش أى مشاكل، ولما العلم عجز عن علاجها روحنا للشيوخ، ارتاحت شوية لما المشايخ قرأوا عليها القرآن، لكن رجعت تاني تعبت.
وأضاف خلال مداخلة مع الإعلامي محمد الباز، ببرنامج "آخر النهار" الذي يذاع على قناة النهار: "بنتي كانت ماسكة ورقة في ايديها فجأة اتكتب عليها بالدم كلمة هتموتي، اديتها مصحف وخليتها تقرأ، وبعدها ارتاحت لكنها بعد شوية وهي بتغسل المواعين ظهرلها كلمة هتموتي على الحيطة، وأثناء مولد النبي اتكتب لها على القرآن نفسه هتموتي وهتروحي مني فين".
وقال: "بعد مولد النبي طلعنا من ايديها دبابيس، ومش عارفين مصادر الدبابيس دي إيه، إحنا لو مش مؤمنين وموحدين بربنا كان زماننا ماشيين في الشارع مجانيين، وبنتي ايديها بايظة، الدكاترة كانت بتخرج من ايديها الدبابيس ومش مصدقين".