السيدة انتصار السيسى: هموم الدنيا كلها بتتشال لما يشوف أحفاده البنات

قالت السيدة انتصار السيسي، حرم الرئيس عبدالفتاح السيسي إن الأحفاد بالنسبة لها وللرئيس السيسى أجمل شيء في الدنيا، قائلة: "بالرغم من الأعباء الكثيرة التي يحملها ويحمل همومها، بمجرد ما يدخل البيت ويلاقيهم حواليه وكلهم بيبقوا فعلا ربنا بيبعتهم علشان يخففوا عنه وخصوصا إن معظمهم بنات وهو بيحب البنات ودي بالنسبة له سعادة تانية". وأضافت حرم الرئيس السيسي، فى حوارها مع الإعلامية الكبيرة إسعاد يونس، عبر فضائية "DMC": "أيام زمان ماكنش عندنا مشكلة تعتبر فيها أرق، والحياة كانت جميلة وبسيطة وهو كان متعود يعتمد على نفسه وكان حاطط خطة لنفسه، وقالى ساعدينى فيها علشان عايز أعمل نفسي بنفسى وهو كان حاطط خطة قدامه اللى هو السفر لأن فيه نقلة من الناحية العلمية وكان بيتمنى أنه يسافر" . وقالت السيدة انتصار السيسي ، سافرنا إنجلترا سنة 1991 وهو ملحق عسكرى في السعودية ، وبعد كده سافرنا أمريكا وكانت ابنتى آية في ثانوى، والمراحل دي كانت جميلة وناجحة وأنا بحس إن السفريات دي ناجحة وهو حقق فيها نجاحات كبيرة في الدراسة، والغريبة إنه حتى المدرسين لما كنا بنبقى في أي لقاء، يقولولى قوليله يخرج ويتفسح ويشوف الدنيا مش لازم كل حاجة فيها دراسة، لأنه كان مجتهد جدا وليه طريقة معينة لازم تبقى فيها المحاضرات واضحة بطريقة لدرجة إن زمايله كانوا بيحبوا يطلعوا عليها من أيام الكلية الحربية" ، مضيفة أكتر وقت بيحبه ويفرحه لما يكون فيه إنجاز ويسعد الناس، ومفيش حاجة بتفرحه في الدنيا غير لما يشوف الناس كلها مبسوطة".