قال الإعلامى عمرو أديب: " مجموعة الماميز لما قفلت المدارس قالو حرام عليك تقعد العيال فى البيت.. والأول كانت تقول الماميز لوزير التربية والتعليم طارق شوقى اقفلو المدارس العيال بتروح فى الكورونا ومش خايفين على الولاد.. وهما مش عارف عاوزين أيه؟".
وتابع خلال برنامجه الحكاية المذاع على قناة أم بى سى مصر، : " قرار الغلق يشمل كل المدارس فى مصر.. ولا علاقة بسياسة دولة أو نوع معين.. والمدارس الأجنبية من أول المدارس وكلنا عارفين الكلام ده.. والكلام ده مش الرئيس اللى قاله ده قرار لحنة جائحة فيروس كورونا هى اللى شايفة الدنيا ماشية ازاى والرئيس مش تدخل فى القرار.. وهذا أمر استثنائى.. والكورونا لا يستثنى احد ويجى لأى حد مهما عمل.. وبنحاول بقدر الإمكان نقول لكورونا ابعدى عننا شوية ونقلل الإصابات شوية".
وأوضح : "وارد جدا أى دولة ترجع فى أى قرار تأخذة لأن فيروس كورونا متقلب.. وهذا حصل مع وزير التربية والتعليم الدكتور طارق شوقى عندما قال مقيش غلق.. وبعد كده تم غلق المدارس.. والعالم كله بيقرر حاجة وبعد كدة يتراجع بسبب أن هذا هو العلم الذى يقرر عدد الإصابات لو فى زيادة تبقى هناك قرار للتراجع"