تستعرض برامج التوك شو يوميا فى مصر العديد من الموضوعات المهمة والرئيسية على المستويين المحلى والعالمي، ويوجد ضمن تلك الموضوعات عدد من اللقطات أبرزها:
عمرو أديب لـ أيمن نور: بياكلو شاورما كتير وفيه غازات طلعت من الجماعة فى إسطنبول
علق الإعلامى عمرو أديب على ما يحدث فى أسطنبول من أيمن نور والإرهابيين بخصوص يوم 25 يناير، قائلا: " 23 يناير اليوم ده بيبقى فيه طوارئ والذكرى وحاجات كده ولكن الساعة 10 مفيش حاجة.. و24 و25 يناير مش هيعدوا خالص.. نحن فى عام 2021 كل حاجة بتتغير.. وهذا عام التغير.. والناس اللى بتراقب مصر ابتدوا يغيروا شوية لأنه إقليميا الدولة بتتغير".
وقال أديب خلال برنامجه الحكاية المذاع على قناة أم بى سى مصر، :"يجب أن يتم تغير الحراك فى أسطنبول.. عرفت أنهم قرروا يرموا الشغل القديم ويعمول شغل جديد وبكرة فيه كيان ثورى جديد.. غدا إنشاء كيان ثورى جديد بقيادة نفس الناس بأسطنبول.. هما بياكلو شاورما كتير ففيه غازات طلعت من الجماعة فى اسطنبول.. وبدا الحراك السياسى من الكابتن أيمن نور.. وكان عنده مشكلة كان طالب تمويل من أسبوع والتمويل مجاش.. والحراك محتاج تمويل ولأسباب مجهولة".
وتابع عمرو أديب: "بشكل علنى هيحط ايده مع حد وهيعملو حراك.. لما تقعد 7 سنين متهزش شجر.. ويفضل يمولك وليه مفيش شجرة اتحركت فى البلد.. ونيجى بعد 10 سنين تقولى أصلى انا بعمل تنظيم جديد.. وماذا قدمت المعارضة فى الخارج.. ولم يحدث أى شيئ.. قاعدين تنبسطوا ومحطات وفلوس.. وبكرة أيمن نور هو رئيس الكيان وعنده انشقاقات فى التنظيم".