أحمد السقا لـ لميس الحديدي: السرب عمل مايقدرش عليه منتج لازم دولة

قال الفنان أحمد السقا تعليقًا على دوره المرتقب في فيلم "السرب" وهو من إنتاج سينرجي، إن العمل سيخرج في أبهى صوره. وتابع في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلاً: "أنا بقول كده عشان مش عايز الناس تؤول كلامي لكلام غريب.. ومش عيب أن تمول الدولة فيلمًا فيه أفلام كثيرة في العالم تمولها دول وأتمنى أن نكون عند حسن ظن الشعب المصري وعند حسن ظن الجهات المعنية ". وتابع: "الصراحة أنا أثناء التصوير الخاص بالعمل شفت حاجات كتيرة من "أبو حق وحقيقي" على أرض الواقع واللي أقدر أقوله باسم الله ما شاء الله إحنا جامدين أوي الله أكبر لما بنتكلم على طلعة جوية وقابلنا الأبطال.. والصراحة عمل زي ده ما يقدرش عليه منتج لابد من دعم من الدولة ". وحول البطولة الجماعية في العمل الذي يضم شريف منير وأخرين قال: "فيه مجموعة كبيرة من الفنانين من أصغرهم لأكبرهم لأن العمل جذاب ووسام على صدر أي فنان أن يشارك فيه وسواء أنا أو زملائي كلنا بنلعب أدوار متميزة مهما اختلفت مساحتها الكل بيشتغل ومافيش دور مش مهم كل دور عليه ضوء بشكل معين حتى الشخصيات التي تقوم بدور "العدو" مهمة درامياً وهذا حشد كبير في عمل زي ده". وحول خضوعه لتدريب جسماني قال: "ماتقلقيش في المنطقة دي أنا جامد ادعولنا جميعاً بالتوفيق هنعمل حاجة تشرف السينما في مصر ونشرف بلدنا".