أسما شريف منير توجه نصيحة للسيدات بعد انفصالها عن محمود حجازى

وجهت المذيعة والبلوجر أسما شريف منير رسالة إلى جميع السيدات التي يمرون بنفس تجربتها بعد انفصالها عن زوجها الفنان محمود حجازى، عبر فيديو على حسابها على إنستجرام. وكتبت قائلة": أول مرة انفصلت واتكلمت في موضوع طلاقي ساعد ستات كتير انهم يحسوا إنهم مش لوحدهم و انهم ممكن يقفوا علي رجليهم تاني و يشتغلوا و يتخطوا الالم، و لما اتجوزت و كنت مطلقة و معايا بنت حسوا ان في امل و انهم مش معيوبين و لا ناقصهم حاجة عشان يستخصروا في نفسهم السعادة و بداية حياة جديدة لأنه ده حلال ربنا" وتابعت:" مهما المجتمع بيصعب الامور علي المطلقة أو الأرملة أو الست اللي "اتأخرت في الجواز" ده حق ربنا اداهولنا عشان عارف اكيد ان ممكن ناس متكملش مع ناس او تتعب في علاقة مع حد، و حالياً بعد ما القصة اللي أدت ناس كتير أمل ان في حب وعوض انتهت، ناس كتير بعتتلي أن الخبر خلاها تحس بيأس و في ناس أحبطت و ده وقفني لحظة كده و حسيت بمسؤلية، طيب نرجع بقي للشهرة اللي ربنا ادهاني اكيد ليها سبب اكيد في سبب لوجودي في الدنيا فا قولت لازم اقول الكلام ده و هو من اعماق قلبي". وأضافت :" بعد اللي حصل اكيد زعلانه و اي فراق بيكون وجع و بيسيب فراغ و بيعمل برجلة، بس ساعات بيكون سيناريو رباني لسبب اكبر مننا احنا مش فاهمين ليه دلوقتي بس بنفهم قدام". View this post on Instagram A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer) وأعلنت أسما شريف منير، انفصالها عن زوجها الفنان محمود حجازى، الاثنين الماضى، عبر حسابها على فيس بوك حيث كتبت:"ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا". واحتفلت أسما شريف منير بعيد ميلادها مطلع هذا الأسبوع مع عدد من أفراد عائلتها بغياب زوجها، ونشرت مقطع فيديو عبر خاصية ستورى على حسابها على إنستجرام وعلّقت عليه: "كان ناقص أبويا وأخواتى ولورا بس.. الحمد لله على نعمه العائلة والعوض"، لتبدأ التكهنات بانفصالها عن زوجها وهو ما أكدته بعد ذلك بيومين". وتزوجت أسماء شريف منير ومحمود حجازى فى شهر سبتمبر من عام 2018، دون إقامة حفل زفاف حيث، فاجئا الجمهور بنشر صور زفافهما عبر حساباتهما على وسائل التواصل الاجتماعى المختلفة.



الاكثر مشاهده

مصدر بالهلال السوداني : لا توجد نية للتعاقد مع ساسي بسبب مستحقاته

القابضة للمياه تبحث سبل تقليل الفاقد بالشبكات مع شركة فرنسية

إصابة 5 أشخاص فى حادث انقلاب "توك توك" بكورنيش أسوان

صحة البحر الأحمر: تقديم خدمات علاج طبيعى بأقسام العزل لمرضى كورونا.. صور

التأمينات تؤكد انتظام صرف العلاوات الخمس لـ2.4 مليون مستفيد من المعاشات

مصر للطيران تسير غدا الأربعاء 38 رحلة جوية تنقل خلالها 2697 راكبا

;