نيللى كريم لـ"شافكى المنيرى" عن "ضد الكسر": مش بحب الستات المغلوبة على أمرها

علقت الفنانة نيللى كريم، على مسلسلها ضد الكسر المذاع فى شهر رمضان: "المسلسل يعبر عن المشاكل اللى متواجدة فى المجتمع.. الست بتعتنا ضد الكسر ومش هتتكسر إبدا.. وبعد الشر على أى ست تتكسر إن شاء الله هما وإحنا لأ.. وهى دراما اجتماعية وفيه تشويق من أول حلقة".

وأضافت، خلال مداخلة مع الإعلامية شافكى المنيرى عبر برنامجها التاسعة المذاع على القناة الأولى المصرية: "فكرة المسلسل مش موضوع الجريمة اللى فى الأول ولكن الحدث ده فتح حاجات كتيرة.. ونتيجة التحقيقات بتحكى من اللى ليه أيد فى الموضوع وده مش الحدث.. وماشين على الموضة بالمسلسل". وعن شخصية البلوجر فى المسلسل تابعت: " البلوجر على مواقع التواصل الاجتماعى حاجة وفى الواقع حاجة ثانية والناس بتاخد بالشكل والحقيقة تانية خالص ومتاخدوش بالمظاهر.. ومفيش مشكلة توقفنى وبحاول ألقى لها حل ومش بحب الاستسلام واليأس ومش بحب الستات المغلوبة على أمرها". وعن تنوعها فى المسلسلات قالت: "كل مسلسل أعمله مفيش حاجة شبه بعض.. وكلنا متأكدين أننى هعمل كوميدى تانى بعد بـ100 وش.. ولكن كنت عاوزة أعمل حاجة تانى وهى ست متتكسرشى من أى حاجة وقوية وبعد كده أفكر أعمل كوميدي تانى". وعن تصوير المشاهد الأخيرة من المسلسل قالت: "لسه بصور الحلقات الأخيرة.. وفيه شخصيات كثيرة لسه ما خلصتش لأن المسلسل عبارة عن قصص لكل شخصية".

ويشارك في بطولة "ضد الكسر بجانب الفنانة نيللي كريم، الفنان محمد فراج، ومصطفى درويش، وهشام إسماعيل، ولقاء الخميسي، وحمزة العيلي، وتأليف عمرو الدالي، وإخراج أحمد خالد، وإنتاج مشترك بين سينرجي والعدل جروب.



الاكثر مشاهده

منظمة أطباء فنزويلية: بلدنا ستصبح بلا عاملين بالقطاع الصحى بعد وفاة 537 بكورونا

سعر الريال السعودى اليوم الجمعة 7-5-2021 بالبنوك المصرية

كواليس غرفة الملابس.. محمد فضل يكشف تفاصيل توقيعه للأهلي بعد جلسة "المايسترو"

فيس بوك يضيف ميزات جديدة للصوت وصندوق الوارد على ماسنجر وانستجرام

6 أمراض تصيب جلدك لو تعرضت للشمس وقت الظهيرة أبرزها الدوائر البنية والنمش

3 أبراج نقطة ضعفها فى الدايت الحلويات.. الثور أبرزها

;