كشف الفنان أحمد شاكر عبد اللطيف، الذى جسد دور الخائن عويس فى مسلسل الاختيار 2، أن أبطال الجيش والشرطة يدافعون عن أرضهم ووطنهم بدمائهم، مضيفا: "كان دايما بينضحك علينا بجملة الجمهور عاوز كدة، وعاوز يشوف الشباب والبنات بطريقة غير المعتادة عليها مصر، وده كان سبب ابتعاد كتير من الفنانين عن الساحة احتراما لتاريخهم".
وأضاف خلال حواره مع الإعلامية لبنى عسل عبر برنامجها الحياة اليوم المذاع على قناة الحياة: "أصعب حاجة لجهاز الشرطة أن يكون جواهم خائن، والأعداء استخدموا أساليب قذرة.. والأدوار دى بتنور التضحيات اللى هما عملوها.. والمفروض الشباب يعرف إيه اللى حصل فى هذه الفترة.. ومصر فى المنطة لها شأن كبير جدا لو مستقرة تعنى استقرار المنطقة.. وربنا حافظها، بعض التضحيات اللى قدمها رجال القوات المسلحة والأمن الوطنى والصحفيين والشرطة كل رموز المجتمع اللى نزل فى 30 يونيو دفعوا كتير قوى عشان البلد تنهض".
وعن دوره فى الاختيار 2: "لما جالى دور ضابط خائن بجهاز الشرطة خان صديقه الشهيد مبروك اللى أكل معاه عيش وملح، وارتكب كل أنواع الخيانة وخان أهله وأسرته بذنب بشع هيلاحقهم.. الدكتور بيتر ميمى رشحنى للدور وكان تحدى، وكنت أشعر بالمرارة مما يحدث، لأن مكنش فيه وقت نرد وكان نفسى ييجى وقت ومصر تكتب تاريخها وتنصف الرجال والمؤسسات اللى دافعت عن البلد وجعلتها دولة حقيقية وسط منطقة تتهاوى، ومعركة البناء محتاجه وعى، ومصر بلد عظيمة وقادرة على صناعة الاستقرار فى المنطقة".