قالت الإعلامية شريهان أبو الحسن، إن دراسة أمريكية بجامعة شيكاغو تؤكد أن عصبية الراجل تؤثر بالسلب على الصحة الجسدية للمرأة، والدراسة أجريت على 1250 زوجا وزوجة، على مدار 12 عاما.
وأضافت، خلال برنامجها راجل و2 ستات المذاع على قناةon: "العلاقة اللى بيبقى فيها طرفين بيفضفضوا من وقت للتانى وبيخرجوا اللى جواهم، وقد يحتدوا على بعض فى بعض الأحيان، وتكون إلى حد ما علاقة صحية، وفى كل مرة الست بتمتص العصبية للرجل، وكده الراجل هيزيد فى العصبية أكتر من الأول، ولكن من وقت للتانى تعلى الزوجة العصبية قدام الراجل، والعصبية بتعيب الرجل قوى عن الست".
وعلق الفنان أحمد صلاح حسنى قائلا: "الست بتيجى عند جزء وتوقف العصبية الراجل معندوش فرامل فى الموضوع ده.. الست فى الآخر بتتعصب لوقت معين ولكن ممكن بكلمتين تعصب الراجل، الراجل معندهوش فرامل فى العصبية، والست تروح نازلة، والعصبية ضغط وفى ناس بتمرض من وراء العيب ده".
وتابع، خلال البرنامج: "العصبية دى إرادة شخصية، والست عرفت أن الراجل ده عصبى وعرفت بالطريقة فى لحظة ما تمتص غضبه، ومن الحاجة الحلوة إن اللى قدامك وقت العصبية خايف عليك وعلى خاطرك وزعلك، ولأن فيه ناس عصبية واللى قدامها مش بيساعدها خالص".
وعلقت الفنانة هيدى كرم: "ممكن الست تقول لزوجها أنك تعصبت فى وقت مش يحتاج لعصبية، وفى الوقت ده بدأ يحث كل مرة أنه يأخد باله أنه موضوع العصبية متكرر، ومن رأى أن العصبية عند الرجالة أكثر من الست، ولكن لما تشوف ست عصبية مش بيعيب الست أكتر من الراجل".