علقت الإعلامية شريهان أبو الحسن على سؤال البرنامج، هل الراجل يقلق من السيدة الذكية؟ قائلة: "لو الرجل عنده قدر وثقة فى النفس مش هيتوتر من العلاقة دى".
وأضافت خلال برنامجها راجل و2 ستات المذاع على قناة on، تقديم الفنانة هيدى كرم والفنان أحمد صلاح حسنى: "الست متكتبش عليها ولا بالضرورة أن لازم تكون هى الضعيفة والراجل يبان فى كل الوقت أنه الأقوى.. وهناك ذكاء خاص بيطالبوا الرجال بيه الستات أنه يتمتعو بيه، فبيقولك إن الست الذكية اللى بتحسس جوزها إنه كل حاجة وأعظم واحد".
وعلق الفنان أحمد صلاح حسنى على سؤال البرنامج، هل الراجل يقلق من السيدة الذكية، قائلا: "أعتقد إن الراجل لو مش واثق فى نفسه هيقع فى المشكلة دى".
وعلقت الفنانة هيدى كرم: "بعتقد أن الست الذكية بتوتر الراجل ولما بيكون هناك واحدة ناجحة جدا فى شغلها والراجل بيتوتر من الذكاء بتعها جدا.. وبحس ان الراجل بطبيعة التكوينة بيحب يحس أنه هو الاقوى والاذكى والاحكم والعقلانى لان هو خلقته كده.. وممكن يقابل سيدات كتيرة ذكية والراجل ميقدرش يدخل فى علاقة معهم".