قال الفنان سامح حسين: "لازم نظهر حبا لأولادنا ديما عشان لما نيجى نزعل منهم هيبقى الزعل سعتها كبير قوى على قلبهم.. والأولاد مش هيبقى حبين يشوفوا والدهم أو والدتهم زعلانة منهم".
وأضاف، خلال برنامج راجل و2 ستات المذاع على قناةonتقديم الإعلامية شريهان أبو الحسن، والفنانة هيدى كرم: "شايف أن اللى عنده أسرة كبيرة لابد من عدم مساوتهم فى المطلق ما بين الأطفال، ولازم الأم تبقى عارفة شخصية كل طفل ماشية إزاى عشان تتعامل معهم كشخصيات منفردة".
وتابع: "الأم تبقى عارفة عقاب الطفل ده غير عقاب الآخر بسبب شخصيتهم المختلفة، كمثال لو عاقبتهم كلهم النهاردة بعدم الخروج هنلاقى فيه واحد مش بيحب الخروج فهيبقى ده مش عقاب بالنسبة له".
وعلقت الفنانة هيدى كرم: "أمى كانت كلمة الحنية تعتبر ضعف فى التربية، ولكن أنا عكس والدتى أديت نديم ابنى حنية كبيرة جدا.. ببوس ابنى وبحضنة حتى يومنا هذا.. وكلمة بحبك دى على طول بقولها ليه".