علق الإعلامي عمرو أديب، على مداخلة الرئيس عبد الفتاح السيسي مع الإعلامي يوسف الحسيني، وقال: "هذه الأشياء تحدث دائما عندما يتحدث الرئيس في مداخلات، يتأخد جزء من الكلام، ويتم تفسيره تفسيرات غير طبيعية، والرئيس كان بيتحدث عن موضوع عن السجون، وقال جملة محدش ذكرها، وهي (نحن لا نريد أن نعاقب الناس مرتين) مرة لأنهم أذنبوا ومرة لأنهم عايشين في ظروف غير جيدة في السجون، وبعدين لن يتم تطبيق القانون بلا سجون، اللي يذنب هنوديه فين؟ شيراتون؟"
وقال، خلال برنامج الحكاية: "الرئيس مكنتش بيتحدث أنه عاوز يتوسع في السجون، هو بيقول أن ظروف السجون من حقها إنها تتحسن، يعني حتى اللي إحنا شايفينه مذنب لما يكون في سجن يجب أن نوفر له حقوق الإنسان الطبيعية، هو الراجل أتسجن، وأتكلم الرئيس أن السجن هيكون فيه محكمة وهيكون على الطراز الأمريكي ووسائل راحة، الرئيس كان بيتحدث عن حقوق الإنسان في السجون".
وقال: "الأفضل أنه بدل ما يبقى في 20 في الزنزانة يبقى 10، مش زي ما بيتم الترويج أنه يجعل مصر سجناً كبيراً، على فكرة كل دول العالم يتطور سجونها وبتبني سجون جديدة، وفي النهاية 90% من اللي موجودين في السجون في العالم هى جرائم تقليدية وليست جرائم سياسية، وبعدين مش هيتطبق قانون بلا سجون، حد أذنب هنوديه في شيراتون".