عمرو أديب يطالب المسئولين بإعفاء مبالغ التبرعات للتعليم من الضرائب

علق الإعلامى عمرو أديب على التبرعات التى تصل إلى الجامعات الأمريكية كل عام وقال: "هارفرد السنة قبل اللى فاتت جالها تبرعات بمليار ونصف دولار تبرعات، أنا بهيب الناس اللى بتضع السياسة الضريبية، الناس فى أمريكا بتتبرع وبيعملوا كدة بحب، لأن المبالغ دى بتتشال من الضرائب". وأضاف خلال برنامج الحكاية الذى يذاع على قناة "mbc مصر": "المبالغ اللى بتوصل للجامعات دى بتخليها تيجى كل سنة وتقول هندى منحة لـ 100 طالب ببلاش، ويقولوا احنا هنطور معمل التكنولوجيا، وهكذا، إحنا ليه مش بنعفى التبرعات الكبيرة من الضرائب، لأن أنت فى النهاية هتصرف فلوس على جامعة القاهرة أو غيرها من الجامعات". وقال: "فرضا أن رجل أعمال عاوز يتبرع بـ 50 ولا 60 مليون وعاوز يرد الجميل للمدرسة اللى اتخرج منها، ليه متعيفهوش من الضرائب، ده فى رجل أعمال أمريكى مايكل بلومبرج اتبرع لجامعة جونسهوبكنس بأكبر مبلغ تبرع لجامعة بمليار و800 مليون دولار، وده شخص واحد، افتحوا الحاجات دى يا جماعة، القطاع الخاص المصرى جبار، 70% من الناس اللى شغالة فى مصر شغالة فى القطاع الخاص".



الاكثر مشاهده

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

جامعة القاهرة تنظم محاضرة تذكارية للشيخ العيسى حول "مستجدات الفكر بين الشرق والغرب"

;