علقحسن المستكاوي، الناقد الرياضى على تصريحات المدير الفنى للمنتخب الوطنى، كارلوس كيروش، قائلاً: " كارلوس كيروش ليس انهزاميًا.. وأنا معترض أن يكون حلمنا هو الوصول لكأس العالم والاتحاد اتعاقد معاه عشان كدة..كيروش عنده حق لما قال أن مفيش مدرب قبل بطولة يقول هاخدها وهكسبها.. الكورة فيها نتايج غريبة ومتغيرة، ولو قال "هاخد البطولة" الناس هتهاجمه أكتر".
وأضاف "المستكاوى"،خلال مداخلة هاتفية خلال برنامج " كلمة أخيرة " الذى تقدمه الإعلامية لميس الحديدى على شاشة "ON": "تصريحات كيروش ليس فيها عدم اهتمام ببطولة كأس الأمم.. وهو مهتم جدًا بالبطولة زى ما كان مهتم قبل كده ".
من جانبها قالت مقدمة البرنامج لميس الحديدى، قائلة : المدير الفنى للمنتخب منه لربنا ومحدش بيكلمه! وفينجادا "الشبح الخفى” اللى بياخد 60 ألف دولار فى الشهر بيعمل إية؟ ليرد المستكاوى قائلاً : " اللى تعاقد مع كيروش أكيد قعد معاه وحدد الهدف، ومفيش حد بيحاسب حد..ووالله لو فينجادا بيعمل حاجة محدش هيتكلم".
فرد "المستكاوى"، قائلاً:"حنا بقالنا 10 سنين مش بنلعب كورة كويسة، ولو بنعلب كورة كويسة الجمهور مش هيزعل لو خسرنا بطولات ومباريات "
واصل : " شيء خطير جدا لما يتم تأجيل مباراة والمدير الفنى للمنتخب ميكونش عارف كدة.. وجميع الاتحادات المصرية اللى تولت اتحاد الكرة مكانش عندها مشروع، والاتحاد الجديد لازم يعمل مشروع.. بنروح كأس العالم ومبنلعبش كورة لأن مفيش مشروع كروى لدى اتحاد الكرة.