أحمد العوضى: أنا اللى بصالح ياسمين عبد العزيز والناس بتحبنا عشان طبيعيين

قال الفنان أحمد العوضى، الناس ممكن تكون بتحبنا أنا وياسمين عبد العزيز عشان إحنا طبعيين وحقيقيين، وأكيد بيحصل بينا مشاكل، بس المشاكل بين اتنين بيحبوا بعض بتبقى غير المشاكل بين اتنين متجوزين من أجل الجواز. وأضاف أحمد العوضى، خلال مداخلة هاتفية لبرنامج "زق عجلك"، الذي يذاع علي شعبي اف ام والبرنامج من تقديم شيماء السباعي وتامر جابر: أنا اللي بصالح ياسمين الأول، وفكرة إن حد بيصالح الأول ده مش بيقلل من الواحد خالص، وأنا كراجل بؤمن إن الأفعال أبلغ من الأقوال". وتابع: "أي حد بيحب واحدة لازم يقف جنبها وأنا ما عملتش حاجة زيادة في أزمة ياسمين الأخيرة، وعلي فكرة أنا طول الوقت بكون من الناس ومع الناس، وأنا صغير كنت بلعب بوكس، والرياضة كل حياتي، والناس بتختذل الحب في حب الراجل لمراته والموضوع مش كده خالص، أنا ممكن أقول لأمي هابي فالانتاين". ووصف الفنان أحمد العوضى الراحل نور الشريف بأنه أستاذه والأب الروحي له، قائلا: "أبويا اللى أثر فيا في كل حاجة، وهو اللي طلعني راجل". وعن أعماله الجديدة قال الفنان أحمد العوضى: "بصور حاليا فيلم هيتعرض في العيد الكبير ومش نازل رمضان الجاي، وفي عيد الحب أقول لياسمين هابي فلانتين، والناس كلها بتحترم العوضي وياسمين عبد العزيز ومفيش حد بيعمل حاجة تضايقنا". وعن المطربين المفضلين له في الوقت الحالي قال العوضى: "بحب الحكمدار عبد الباسط حمودة ومن الجيل الجديد عمر كمال وعنبة، والحتة الشعبي بلعب فيها وممكن أعمل كاركتر ولد شعبي بس مش هكرر الخديوي خلاص، ولكن الجمل اللي بتعلق مع الناس زي على الله حكايتك بقولها عشان أنا من منطقه شعبية ودايما لساني حلو وبلاقي جمل تعلق مع الناس".



الاكثر مشاهده

رئاسة وزراء ماليزيا ورابطة العالم الإسلامي تنظِّمان مؤتمرًا دوليًّا للقادة الدينيين.. الثلاثاء

كبار فقهاء الأمة الإسلامية يجتمعون تحت مظلة المجمع الفقهي الإسلامي

بدعوة من دولة رئيس الوزراء الباكستاني.. العيسى خطيباً للعيد بجامع الملك فيصل فى إسلام آباد

علماء العالم الإسلامي يُرشحون مركز الحماية الفكرية لإعداد موسوعة عن "المؤتلف الفكري الإسلامي"

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

;