كشف رامز ناصف زوج مارينا صلاح ضحية الإهمال الطبي، عن أن إغلاق المستشفى بسبب مخالفات بها، وهو سبب الغلق.
وأوضح خلال مداخلة هاتفية ببرنامج "يحدث في مصر"، مع الإعلامي شريف عامر: "كنا بنكشف على عينيها، كان فيها احمرار وبها حساسية، وطلبت الطبيبة أشعة، ومنعرفش إنها صبغة، دفعت الفلوس، وحطينا قطرة مرتين، بعدين عرفت إنها قطرة، ورئيس التمريض بيقول انت مش بتتعامل مع أي حد وخلاص، دا أنا رئيس التمريض، ويقوله يلا انجزي مش فاضي، وبقوله اهدا، وبيهزر"
وتابع: "دخلت الأوضة، عشان الطبيبة تاخد صورة لعينيها، قالولي ممنوع، تدخل وحدها، وفي الوقت دا، الدكتورة طلعتني، وكنت فاكر تجهيزات قبل الصبغة، والمفروض هي دكتورة تخدير، و10دقايق لقيت شخص يجري، ولقيت مارينا اترمت في حضني وبتقولي الحقني بموت"، مردفا: "هي تعبت جدا مني وخلاص بتموت، قعدنا أكتر من تلت ساعة عشان حد ينقذنا من المستشفى، وأنا بلطم عشان حد ينجدها".
وتابع:" هي معندهاش أي حساسية، ولو عندها حساسية، المفروض المستشفى بتشوف الكلام ده"، موضحا :"الكاميرات هتجيب حقها، عندهم البني آدم ملوش أي قيمة".