هنادى مهنا: طلعت مع هالة سرحان وعمرى 3 سنين وأول فيديو كليب وأنا عمري 4 سنين ونصف

قالت الفنانة هنادى مهنا: طلعت مع هالة سرحان وانا عمرى 3 سنين، وأول فيديو كليب 4 سنين ونصف وكنت فاهمة انا بقول ايه وأضافت خلال لقائها ببرنامج كلمة أخيرة مع الإعلامية لميس الحديدى: طول عمرى بنت أبويا انا اصغر أخواتى، وأى مشكلة ،نا واخدة صف بابا، وحتى لو غلطان، محدش يزعله، لكن لما اتجوزت بدات أفهم قد أيه الست بتتعب، وماكنتش شايفة تعب الست غير لما اتجوزت وبقيت قريبة جدا من ماما. وتابعت: احترمت والدتى جدا، وخصوصا أنها سابت بلدها وجت بلد ما تعرفهاش بلغة هي ما تعرفهاش، وهى ما زالت عايشة في مصر إلى الآن، هي فرنساوية ، ست جدعة مصرية أصيلة، اتعلمت منها حاجات كثيرة، لكن دلوقتى أنا بقولها، وزوجى بقى كويس جدا في الفرنساوى، وهى دائما بتنصحنى بالحاجات العادية لازم يبقى في أكل على طول في البيت، ولازم تكوى فانلاته وهى بتقعد لو أنا مش في البيت تعمل كل حاجة، ولو ما لحقتش أعمل الفطار تروح تعمل الفطار ،وكل حاجة كأنى في البيت بالظبط. وأكملت: أتمنى أنى جوزى ينجح جدا، وبنغير على بعض بس العادى، أنا بتعامل في مجتمع مصري، فبتخيل الناس تشوف الفنان قدورة، وفى ناس كثيرة بتقلدهم وأنا أتمنى أن الناس تقول لولادها عاوزك تبقى زى دى، ومش قدامى غير حل من اتنين، أنى ابقى مع الناس وأعمل اللى هما عاوزينه، علشان يحبونى، يا إما أعمل الحاجات التانة في مجتمع تانى. وأكدت أنها نفسهى تغنى لكن مش عاوزة تعمل حاجة وخلاص عاوزة تعمل حاجة بهها لكن هي ليست متمكنة في العربية مثل الإنجليزية والفرنسية، بعرف شغل بابا في أي عمل وبشوف صوابعة وهو بيعزف ، في فيلم ان شاء الله ليلة العيد وعاوزة أكون في حتة أنا مبسوطة فيها ، ومأجلين البيبى شوية لأنى أصلا بيبى.