قال محمد عباس، زوج بسنت حميدة الفائزة بمسابقة دورة ألعاب البحر المتوسط، ومدرب منتخب مصر لألعاب القوى، بسنت تعبت واحنا تعبنا وحطينا خطة وربنا كرمنا بعد فترة صعبة جدا فترة الاولمبياد فترة الإصابة وتعثرها بسنت كانت رايحة الاولمبياد وكانت عاملة رقم كويس جدا فى التشيك لن حصلت إصابة والحمد لله هى عملت امبارح ميدالية ذهبية لم نكن نفوز بها قبل ذلك ولم نكن موجودين بها بشكل قوى.
وأضاف خلال مداخلة مع الإعلامية إنجى القاضى ببرنامج مساء دى إم سى: نعد الشعب المصرى والقائمين على الرياضة وبشكر المسئولين على الدعم اللى بيقدموه لبسنت وبوعد الجميع أننا نحقق ميدالية تانية لمصر.
وتابع: كان عندى شعورين مرتبطين ببعض أنا مش بس زوج أنا بعتبر بسنت بنتى أنا أعرفها من فترة كبيرة جدا هى حققت رقم قوى جدا قبل دورة ألعاب البحر المتوسط وكسبت بيه لاعبة كانت مصنفة الثانية فى الأولمبياد وكتان عندنا بطولة افريقيا قبل البحر المتوسط وحصلها شد خفيف واعتذرنا عن أفريقيا وكملنا العلاج فى الجزائر ومصر والحمد لله أن بسنت عملت الإنجاز ده.
وأكد أن بسنت لعبت فى 2018 فى أسبانيا وحققت المركز السادس وكان معاها مدرب تانى وقالتلى فضلت قاعدة فى المدرجات بتعيط لانها كان نفسها تحقق رقم والحمد لله بعد اربع سنين تحقق الميدالية الذهبية فى سباق قوى جدا وسريع جدا وسط منافسين كبار وهى بلاد قوية جدا وهى اللى بتتعب أكثر وبتهتم بالأكل والشرب ومحافظة على نفسها كويس جدا، والأهم توفيق ربنا.
وأكمل: بسنت طالعة الأولى على الدفعة فى اللوجيكتس وكانت جايبة 96 % وهى فى الثانوية العامة وهى من أسرة رياضية وكنت شايف لاعبة وزوجة وبنتى بتحقق حاجة نفسها فيها وكان نفسى أنا كمان احققها، والجماهير كمان اثروا فينا جدا وانا حسيت انها فى مصر، دايما الناس بتقول دموع الفرح وانا كنت مبسوط جدا وفخور بيها وانا زوج ومدرب وهى أجلت بالتعيين بتاعها علشان خاطر الرياضة فهى ضحت كثير جدا.