قالت الإذاعية إيناس جوهر إن الراديو ويليه التليفزيون هو الأساس وفى صفحات على السوشيال ميديا علمية ممكن نأخذ منها معلومات.
وأضافت خلال لقائها ببرنامج افتح باب قلبك مع الإعلامية أميرة بهى الدين على قناة سى بى سى: فى بعض الصفحات فيها معلومات دينية وأدعية ولكن عندى بعض التحفظات، وطول ما السوشيال ميديا مخترق أنا مبحبوش.
وتابعت: الجيل بتاعى بيفرض عن إبداعى ليه طعم تانى، وكل حاجة جديدة حل وشايفة أن الإذاعات الجديدة على النت جميلة جدا، والراديو برضه بيطور نفسه وطول ما إحنا بنتطور وبنتجدد إحنا الأفضل.
وأكملت: طبيعتى أنا شخصية مرحة مش نكدية ولو الإنسان له طبيعة أمام الكاميرا وأخرى بالخارج هيتكشف بسرعة، أنيس منصور كل ما يشوفنى يلاقينى بضحك وقاللى يا بنتى انتى مقبلة على الحياة ليه، وانا ست سعيدة عايشة فى ملكوتى لوحدى ماربطش نفسى بخلفة بدون لازمة والراجل الوحيد اللى دخل حياتى وانفصلنا وأنا تفرغت لشغلى ونجحت وبقيت سعيدة ولسه حتى الآن بشتغل وكمان ببص حوليا بلاقى مصر بتطور كل يوم الحياة كلها حوليا بتتصلح بتتحسن، وحريتى الشخصية هى اللى عاملة ملكوتى الخاص بنام وقت ما أحب ومش بحرم نفسى من حاجة.