رصدت الإعلامية دينا عبد الكريم فى حلقة اليوم من برنامج "شغل عالى" الذى تقدمه على قناة "cbc"، أشهر 10 تحديات تواجه "الجواهرجى"، الذى تعتبر مهنته مثل أى مهنة فى الدنيا تواجه العديد من التحديات وأول تحدى هو تغيير الأسعار بشكل مستمر ومطلوب منه المحافظة على رأس ماله، والتحدى الثانى هو "الفصال" والتعامل مع الستات اللى بتحب الفصال، والتحدث الثالث الآمان لأن الجواهرجى رأس ماله الذهب لذلك بيحاول يحافظ عليه ويغلق عليه قبل الذهاب للمنزل.
التحدى الرابع العمالة واللى صعب تلاقى فيه خبرات كويسة، التحدى الخامس صناعة الذهب والتحدى دا بيكون مع المصنعين وفى الأغلب الناس بتتوجه إلى الأصناف المستوردة مع المحافظة على الأسعار، والتحدى السادس بيكون ورش بير السلم ودى من التحديات التى تواجه الجواهرجى لأن بيكون فيه غش كثير ودا بيضر قطاع كبير من الذهب.
التحدى السابع بيكون الوضع الاقتصادى وزمان اللى كان بيشترى الذهب بيكون عنده وفره أما الأوضاع الاقتصادية قللت القوة الشرائية، والتحدى الثامن هو الصداع النصفى، لأنه بيشتغل 12 ساعة كلام مع الناس على مدار اليوم وتخيل الصداع دا بدون بيع، التحدى التاسع الرقمنة، يعنى ديجيتال والبيع أون لاين، التحدى العاشر بيكون الشائعات لو دخلت مجال الذهب ممكن يخلى سعره يزيد بشكل مبالغ.