قالت السوبرانو المصرية العالمية أميرة سليم: فستان الحفلة كان مهم جدا وأسطورة ايزيس بتقول ايه وكان لازم أكون في هذه الحالة موسيقيا والفستان ده كان معبدى وانا بعتبره معبدى ومهم لأى فنان على المسرح أن يجسد الحالة، حفل المومياوات قدر يوصل لسائق التوك توك.
وأضافت خلال لقاء خاص ببرنامج الحياة اليوم مع الإعلامى محمد مصطفى شردى: احنا قولنا ان دى اللحظة التي نستطيع أن نقدم فيها عمل في حدث وطنى كبير جدا ولما غنيت في حفل المومياوات أثرت بطريقة أو بأخرى وشفنا ردود فعل وفى ناس جاتلى بعد كده في الأوبرا علشان يسمعوا وفى ناس قالت انها نفسها تتعلم .
وتابعت: الناس عندها فضول وعاوز تفهم وقالوا انهم دخلوا على اليوتيوب علشان يفهموا وده معناه ان الحاجز اتكسر، وان ردود الفعل مازالت متواصلة، وكنت أتمنى، وما زلت أتمنى ان ده يكمل، ولم أكن أتوقع هذا النجاح وبهذه الطريقة والفن والموسيقى لغة عالمية بلا حدود وأى إنسان مهما ككانت ثقافته إنه يفهمها ويتعامل معها.