قال المواطن أشرف، إن أفضل شيء في الدنيا هو الفضل، ولم يتمالك دموعه عندما أكد أن والديه لهما فضل عليه، مردفا: "صاحبي الله يرحمه كان لينا فضل على بعضينا، قعدنا 35 سنة مع بعض، ووقف جنبي كتير وزيه زي أخويا بالظبط".
وأضاف خلال لقائه ببرنامج "ناسها البسيطة"، مع الإعلامي أحمد رأفت، عبر قناة "CBC": "عيني واجعاني وجاتلي جلطة فيها بسبب زعلي على صاحبي، مستطردا: "ربنا كارمني بعيالي وكل حاجة، ودا فضل ربنا عليا فوق كل شيء، أنا عندي 63 سنة، وفي ناس مش قادرة تشتغل، احنا ربنا كارمنا وبنشتغل ونشقى على لقمة عيشنا".
وواصل: "كلنا ربنا خلقنا سبب لبعضنا، لو بصيت لحاجة ربنا بيرزقني أحسن منها، اخواتي مستريحين، وكلنا الحنية على بعضنا، احنا أولاد حلال لما الأخ يعرف أخوه مزنوق من غير ما يقول يساعدوا بعض، أخويا عمل فيا فضل والدنيا ضاقت بيا وهو الله يرحمه كان في السعودية بعتلي فلوس وبعتلي كسوة لعيالي، واللي ينكر جميل ربنا مبيبسيبوش".