قال الفنان أحمد التهامى، أحد المشاركين في ختام فعاليات سباق الهجن: فوجئت بحاجة جميلة جدا، وأخدت أسرتى وأولادى معايا، وأولادى ما كانوش عاوزين يرجعوا يسيبوا البلد، وبقى ليهم أصحاب من العريش.
وأضاف خلال مداخلة هاتفية بحلقة اليوم من برنامج الحياة اليوم المذاع على قناة الحياة مع الإعلامية لبنى عسل: أنا شفت كم ترحيب وحب من أهالى العريش ما شوفتوش في حياتى، كان أمنية حياتى انى اروح العريش وسعيد أنى رحت ارض الفيروز ومناخها جميل واتبسطنا جدا وفرحنا، وأهالى العريش استقبلونا استقبال كبير جدا ووعدتهم انى هروح أصيف هناك السنة دى".
وتابع: عاوز أشكر الدولة وجهود أهل سينا، لأنهم يصمدون، وأبطال القوات المسلحة وشهداؤنا الى ضحوا بالروح والنفس وكل حاجة علشان يرجعوا الحياة للعريش وسينا ومصر كلها ومصر كلها بتفرح لرجوع الاستقرار والامن لسيناء وبوجه المستثمرين والشركات بالاستثمار في العريش وعلى فكرة كل حاجة متوفرة في العريش وهى آمنة جدا.