قال الدكتور هانى جبران استشارى التغذية العلاجية والسمنة أن الإفراط فى تناول الشاي الأخضر خطر لأن به نسبة كافين عالية جدا والشاى مفيد ولكن الإسراف فيه غلط.
وأضاف خلال حلقة اليوم من برنامج مساء دى إم سى مع الإعلامية إيمان الحصرى: كمية الكافين فى الشاى الأخضر عالية جدا ومينفعش الحوامل أنهم يشربوا الشاى الأخضر كثير، واحنا لو شربنا جردلين شاى أخضر فى اليوم وجنزبيل وقرفة مش هنخس طول ما احنا مش عاملين نظام غذائى.
وتابع: النظام الغذائى حاجة متكاملة مع بعضها، الشاى الأخضر هيساعد آه لكن مش هو اللى هيخسسنى ولابد من عمل نظام غذائى صحى تحت إشراف طبى والأهم نعمل التحاليل اللازمة علشان نتأكد أن مفيش أى مشاكل صحية مصاحبة ليها، فى ناس كثيرة تعتقد أنها إذا شربت شاى بعد الأكل مش هتستفيد من الحديد ده بيحصل لما يكون الشاى تقيل جدا والبعض يعتقد أنه الشاى يجعل اللبن يفقد فائدته وهذ كلام غير سليم على الإطلاق.
وأكد: أن المنتجات شبيهة المكرونة سريعة التحضير "الشعرية سريعة التحضير" وهى غير صحية ومفيش حاجة اسمها الأولاد هما اللى عاوزين، احنا اللى بنربى أولادنا مش هما اللى بيربونا، والشعرية سريعة التحضير موجودة من زمان لكن فى النهاية هي غير صحية.