قالت الفنانة داليا البحيرى انا كان ليا حظ كبير جدا انى اشتغل مع رجاء الجداوى واشتغلنا مع بعض 4 أجزاء ليوميات زوجة مفروسة مع القدير سمير غانم واللى كان مدى المسلسل ثقل كبير جدا ورقى وروح خاصة جدا والناس كلها عارفة انها كانت كوميديانة كبيرة جدا ودمها شربات.
وأضافت خلال مداخلة بحلقة اليوم من برنامج كل الزوايا مع الإعلامية سارة حازم المذاع على قناة أون: رجاء الجداوى في الكواليس بنقضى معاها أحلى وقت وأحلى أيام، واتعلمت منها حاجات كثيرة جدا، وعلى قد ما كانت دمها خفيفن إنما هي في الحياة كان عندها فكرها، وفلسفتها حتى لو بتحكى حدوتة بسيطة هتطلعى منها بحاجة ودرس.
وتابعت: هي كانت محبة للحياة، ومرتبطة بعيلتها الصغيرةن وتعلقها الشديد بأميرة وروضة، وكانت دائما تحكى عنهم، وأى حاجة بينها وبين روضة كانت تحكيلى عليها كانت بتحب حسن جوزى، لانه كان أسمه حسن برضه، وكانت دائما تحكى عن كابتن حسن، وقصة حبهم، ومفيش حد قابلها إلا وحبها، وهى كانت حبيبة الناس كلها، وكانت بتعمل روح جميلة جدا في الاستوديو.