تحدث الفنان أحمد عصام، مصمم التأثيرات البصرية، عن تفاصيل حفل النجم تامر حسني، التي أقيمت في العلمين الجديدة، معقبا : "فكرة الطيران دي فكرة تامر، في فيلم تاج هو كان طالع سوبر هيرو فكان بيطير طول الوقت، ومثلا التصوير بتاع الفيلم 3 شهور هو قعد شهر متعلق كل يوم سبع ساعات".
وأضاف خلال حواره مع الإعلامية إيمان الحصري عبر برنامجها مساء دى إم سى المذاع على قناة دى إم سى: "لما جينا نعمل الحفلة تامر قالي ايه رأيك تيجي الدخلة تبقى كدا، وستعان بنفس الكرو اللي كان معاه في الفيلم.. تامر طلع في 3 ثواني 40 متر، ودي حاجة صعبة جدا ومش أي حد يعملها".
وتابع: "هو بيحب طول الوقت يبقى مختلف، ويعمل حاجة يبسط بيها الناس، وكل دا معمول حسابه، ومتجرب ومعمول عليه بروفات، والحفلة دي اشتغل عليه 700 واحد"، مضيفا : " الشغل في مهرجان العلمين له مسئولية كبيرة لإننا بنمثل بلدنا مصر.