قال الفنان وليد توفيق مهرجان جرش بدأ سنة 87 / 88 وكان مهرجان لا ينسى وجرش من اهم الأماكن في الأردن مثل دار الاوبرا في مصر وقرطاج في المغرب وجمهورها لابد ان ننحنى أمامه.
وأضاف خلال لقاء خاص ببرنامج التاسعة مع الإعلامية شافكى المنيرى على هامش مهرجان جرش: جمهور جرش جاى يسمع وينبسط مش جاى ياكل ولا يشرب ، وانا لن انسى مهرجان قرطاج اللى الجمهور اتبرع بـ40 زجاجة دم وطلع الرئيس أتكلم عنه ومهرجان تانى في الجزائر عندما حملوا السيارة وهذه لم تحدث إلا مع عبد الحليم وانا دمعت ومهرجان جرش والحمد لله ما زلت أؤدى حتى الان .
وتابع: انا كنت محظوظ لانى عملت أفلام مع نجوم كبار على كتفى انا واشتغلت مع كبار النجوم واعونى هذا القدر من القيمة الفنية بركات وحسن الامام واشتغلت مع فريد شوقى ومديحة يسرى اللى كنت بحلم اشوفها ومريم فخر الدين وسعيد صالح ومش عاوز انسى حد وكان وشى على النجوم الصغار حلو اثار الحكيم وليلى علوى .
واكمل انا اتعلمت من عبد الحليم لما قال انا ما نجحتش كممثل والناس كانت بتدخل الفيلم علشان تسمعنى واتعرض عليا أفلام لما ربيت سكسوكة انى أمثل لكن قالولى مش هتغنى ورفضت ، مش عارف ليه بيهربوا من المسلسلات الغنائية مع انه نجحت مع عبدحليم وفريد الأطرش ومحمد فوزى، بليغ حمدى كان ليه فضل كبير عليا وكان بيقولى انت بتفكرنى بمحمد فوزى.