يظل فيلم إشاعة حب، واحدا من كلاسيكيات السينما المصرية فى تاريخها الطويل والحافل، حيث تم إنتاجه عام 1960، وهو من بطولة عمر الشريف وسعاد حسنى ويوسف وهبى وعبد المنعم ابراهيم وهند رستم، وتأليف محمد أبو سيف وإخراج فطين عبد الوهاب .
وبمناسبة مرور 57 عاما على إنتاج الفيلم ، نرصد لكم أشهر 22 ايفيه تضمنها العمل ..
1. تصورى يا بهيجة عبد المهين باعت شحنة كورسيهات لتنجانيقا.. "يوسف وهبى".
2. أصل الكريب سوزيت ده مافيش غير عيلتين بس هما اللى يعرفوا يعملوه.. "إحسان شريف".
3. ماتاكل يا حسين الصنف ده عاملاه مرات عمك برجليها.. "يوسف وهبى".
4. يا عبد المهيمن هتبعت لبتوع الكونغو بطاطين! .. الدنيا حر .. "يوسف وهبى".
5. بقى ده يا ناس يتحسب علينا راجل.. "يوسف وهبى".
6. وراس صلطح بابا الكبير سميحة مش هتتجوز غير لوسى.. "احسان شريف".
7. والله لو كنت بنت وغازلتنى والله كنت ارقعلك صداغك.. "يوسف وهبى".
8. أنا شوفت حضرتك أظن لما خدتى جايزة الجمال فى مسابقة راس البر.. "يوسف وهبى".
9. يا جاه النبى .. سبحان من سواك هو معقول يا وحيد عصرك يكون لك علاقة بالست ديه .. ديه ملكة انجلترا.. "يوسف وهبى".
10. ديه دموع البنت المسكينة اللى سهرتها الليالى يا قاسى.. "يوسف وهبى".
11. ديه شفايفها النونو يا قفل.. "يوسف وهبى".
12. يالا الصاعقة.. "يوسف وهبى".
13. اغرب عن وجهى يا محطم قلوب العذارى وزير النساء.. "يوسف وهبى".
14. أصل مش معقولة واحدة مشهورة زي هند تعرف واحد خرونج زي ده.. "جمال رمسيس".
15. كده برضه يا سونا يا خاين ماتسألش فيا.. "عبد المنعم إبراهيم".
16. انا خرونج يا خرونج.. "عمر الشريف".
17. يستحيل اهدا إلا لما ادبحه واسبح فى دمه وأعوم وأعوم لحد ماوصل لبر الشرف.. "يوسف وهبى".
18. اهى صوتت بالبلدى بنت صلطح بابا.. "يوسف وهبى".
19. بابا انت يا حبيبى.. "الطفل احمد فرحات".
20. هيخلف منها ازاى مادام عمره ماشفها .. هيخلف منها باللاسلكى.."يوسف وهبى".
21. يابنى اخزى الشيطان مع السلامة الله لا يسيئك نسيتنى الكلمتين اللى هقولهم.. "الدكتور شديد".
22. اموت يا هو فلتسقط بنت صلطح ملطح.. "يوسف وهبى".