قال المطرب الشعبى شعبان عبد الرحيم ردا على مطالبة الموسيقار حلمى بكر للنجم أحمد عدوية باعتزال الغناء: "عيب عليك يا عم حلمى تقول كده وما ينفعش وما يصحش، أنت أكبر منه فى السن، ما تقعد أنت الأول خصوصا وإن صوتك وحش ومش حلو ومع العلم الملحن لازم يكون صوته جميل وأنت صوتك وحش ما يتسمعش".
وأضاف شعبان عبد الرحيم لـ"انفراد": "عدوية رمز الأغنية الشعبية بتاعنا دلوقتى، ومينفعش يقعد من غير غناء، ومحمد رشدى ومحمد العزبى ظلا يغنيان إلى أن رحلا، محدش قالهم حاجة، اشمعنى عدوية اللى عايزين تقعدوه فى بيته"، واستكمل: "عدوية مش هيقعد وهيفضل يغنى".
جدير بالذكر أن أحمد عدوية من أهم وأشهر المطربين الشعبيين فى تاريخ الغناء المصرى، وحقق نجاحا كبيرا بأغانيه منها "بنت السلطان" و"زحمة يا دنيا زحمة" و"كله على كله" و"سلامتها أم حسن" و"السح الدح امبو" و"حبة فوق وحبة تحت" و"ما بلاش اللون ده معانا".