أكدت الفنانة نهال عنبر، أنها مازالت تتلقى العديد من المكالمات الهاتفية للاطمئنان عليها، رغم تكذيب خبر وفاتها من خلال "انفراد"، وحرصت الفنانة الكبيرة على الحديث بالفيديو لجمهورها من خلال "انفراد"، حيث قالت نصا :"من خلال انفراد أنا عايشة وكويسة وما متش زى الشائعات ما بتقول، وجنبى أهو رانيا فريد شوقى ومجموعة من الأصدقاء وقاعدة فى الكافيه، وبشرب شاى أخضر، مش عارفة الشائعات دى بيعملوها ليه.
وأضافت عنبر خلال حديثها فى فيديو "انفراد": "فوجئت بفيديو كليب كأنه العزاء بتاعى تم تصويره من خلال جنازة الفنانة الكبيرة الراحلة زيزى البدراوى، أنا كنت فيه أساسا لكن ماطلعنوش عشان تكتمل الشائعة، وطلعوا الفنانة دلال عبد العزيز كأنها بتتكلم عنى أنا، وهى بتتكلم عن الفنانة الكبيرة الراحلة زيزى البدراوى".
وتابعت الفنانة الكبيرة نهال عنبر حديثها خلال الفيديو قائلة :"عايزة أقول أنا مش عارفة عملوا الشائعة دى ليه، خضوا الناس وقلقوها، والناس من إمبارح بتعيط وبيكلمونى مخضوضين عليا، صحيح أنا أتضايقت من الشائعة دى، لكن عرفت قد إيه الناس بتحبنى وبتخاف عليا".
وصور "انفراد" فيديو للفنانة نهال عنبر، أثناء تواجدها فى أحد كافيهات المهندسين، مع الفنانة رانيا فريد شوقى وصديقتهما دانا خليل.