قال الإعلامى أحمد موسى، إن دعوات التظاهر يوم 11 نوفمبر المُقْبِل، أطلقها كل من عملاء الولايات المتحدة الأمريكية، وجماعات الإرهاب وقطر وتركيا، وذلك لإحداث فوضى فى البلاد.
وأعلن "موسى"، خلال تقديمه برنامج "على مسؤوليتى" على فضائية "صدى البلد"، إطلاق هاشتاج "لا للفوضى يوم11/11"، ردًا على دعوات جماعة الإخوان الإرهابية والطابور الخامس وكل خائن للبلد، معقبًا: "لازم هكشف دعاة الفوضى، محدش هيكشفهم غيرى، مفيش حد فى الإعلام أو الصحافة هيقول لك على الأسماء لأنهم بيخافوا، أو بيتكسفوا، أو مايقدروش أو فيه ناس منهم صحابهم وبيتصوروا وبيخرجوا معاهم فى احتفالات وعزومات".
وأوضح "موسى": "الهاشتاج ردًا على الدعوات اللى بتقول إحنا نازلين يوم 11/11 علشان الغلابة.. دى مالهاش علاقة بالغلابة خالص ولا الأسعار، ولكن الفوضى فقط.. وبنطرح الهاشتاج مبكرًا علشان ده هيكون شغلنا لمدة أسبوعين تلاتة".
وتابع: "لازم نوضح الحقيقة ومين خلف تلك الدعوات، مثل الإرهابية الجاسوسة آيات عرابى، إلى المزور الكبير جدًا أيمن نور، إلى الخائن البرادعى، إلى الخائن معتز مطر، إلى المجرم جمال حشمت، والمجرمة مها عزام، وأشخاص داخل البلد هننشر عنهم بالاسم بيعملوا إيه وبيخططوا لإيه بدءًا من السبت المقبل".