- أبلة فاهيتا و«العاهات»
خناقة عجيبة الشكل بين نواب البرلمان وأبلة فاهيتا، الأبلة وصفت نواب مصر بأنهم «عاهات» والنواب ورئيسهم هاجوا وماجوا وهددوا الأبلة بالحبس واتهموها بأنها «عجلة»، ومازالت المعركة الكرتونية مستمرة، وهى دى مصر، وأدينا بنتفرج.
- اقلع يا شعب
الفنان الجميل حميد الشاعرى عامل دعوة لكل سكان الرحاب للخروج بالبيجامة فى يوم البيجامات من أجل التحرر والخروج من الرسميات، والتهوية، أنا شخصيا أعجبتنى الدعوة، وأتمنى لو تم تطبيقها فى مصر كلها فى يوم بالبيجامات فى كل الشوارع والميادين.. اقلع يا شعب.
- ألمانيا.. والتضاؤل
وزير الاقتصاد الألمانى، قال فى دفتر كبار الزوار فى المتحف المصرى بالتحرير، إن ألمانيا تتضاءل أمام الحضارة المصرية، شكراً يا أفندم.. إحنا زمان عملنا حضارة، بس دلوقتى بنستورد علب الكبريت.. وانتو بتصنعوا البى إم والمرسيدس.. ما تتضاءلش قوى.
