الغالى تمنه فيه

- الغالى تمنه فيه الحمد لله، عندنا حاجة بتغلى ونقدر نفرح بيها، اللاعب العالمى محمد صلاح بعد أن سجل 14 هدفًا فى الدورى الإيطالى، وتم تلقيبه بهداف روما، وصلت قيمته السعرية فى سوق الانتقالات العالمية إلى ما يوازى 390 مليون جنيه مصرى، اللهم صل ع النبى.

- شكرًا للحكومة الرشيدة مش كفاية سد النهضة، ولا الجفاف، ولا الأيام الناشفة اللى داخلين عليها، لأ كمان يحصل تسرب لبقعة سولار فى النيل فى أسيوط، يعنى هنشرب الميه اليومين اللى جايين بالجاز، كمطهر معوى، شكرًا للحكومة، ده حتى السولار غالى.

- كمان شكرًا للحكومة نار الأسعار تكوى الغلابة.. الزيت وصل لـ17 جنيها واللحمة بـ100 والأرز بـ8.. والمواطنين تحولوا إلى نباتيين بالإجبار، وتسأل عن الحكومة فتعرف أنهم فى مكاتبهم المكيفة وفيلاتهم الفاخرة وسياراتهم الفارهة، وإن شالله نولع إحنا.