سرد مواطن عبر صفحته بموقع فيس بوك موقفا حدث له مع ضابط مرور استوقفه لتوجيه سؤالا له مفاداه: اعترف انت "أوبر" ولا "كريم"، وما الذي يثبت لي أن من تجلس خلفك هي زوجتك، وذلك رغم أن المواطن كان يمتلك رخصة سارية للقيادة والسيارة.
ولكن الضابط اخذ يسأل عن بطاقة السيدة ولم يقتنع بأنها زوجته رغم أن المواطن د.حازم عبدالهادي أخرج له صورة زفافهما، ولم يتركهما إلا عندما قالت له الزوجة اسم زوجها الرباعي.
وقال د.حازم عبدالهادي في روايته عبر فيس بوك:
ظابط المرور اوقف السيارة
- الرخص لو سمحت؟
# اتفضل
- مين اللى قاعدة ورا؟
# اشمعنى ؟؟
- بسألك مين؟ ترد على قد السؤال
# المدام و البيبى اللى على ايديها يبقى ابنى
- ممكن بطاقتها؟؟
# مش معاها بطاقة..... دى لسه خارجة من المستشفى بعد الولادة.
- ايه اللى يثبت انها مراتك؟؟
# هو فيه قانون يمنع اركب معايا واحدة مش مراتى؟
- طيب يا مدام هو عنوانكم ايه ؟؟
المدام : مدينة نصر
- بس العنوان فى الرخصة مصر الجدبدة
# يا فندم اللى فى الرخصة عنوانى القديم قبل الجواز.
- لا يا شيخ ..... طيب نزل الزبونة تروح .... و خليك بقى نشوف ازاى تشغل عربيتك الملاكى أجرة.
# اجرة ازاى؟؟
- شغال مع اوبر و لا كريم؟؟؟
# كريم مين و هيثم ايه ؟؟ باقولك دى عربيتى و دى مراتى ..... و فواتير المستشفى قدامك؟ ؟
- الفواتير بإسم ايمان .... ايه اللى يثبت انها اسمها ايمان؟؟
# يا سيدى دى صورة فرحنا
- بس اللى فى الصورة مش محجبة و مراتك محجبة.
# اروح اجيبلك بطاقتها و ارجع.
و هنا تجلت المعجزة عندما سأل المدام: اسم جوزك رباعى ايه.
اتأكد حظابط ساعتها انها مراته مش زبونة بيوصلها.
البلد ماشية فى سكة الهبل بأقصى سرعة و هتلبس بينا فى الحيط.