فضيحة.. "مول العرب" يمنع دخول السيدات بـ"العبايات".. ومتضررة تدشن هاتشتاج: "عايزنا نقلع"

قررت إدارة مول العرب بمدينة 6 اكتوبر، بمنع دخول مرتديات " العبايات" ، وروت احدي السيدات ماحدث لها اثناء دخولها " سبينس " داخل المول.



وقالت ساسو النجار أنها ذهبت اليوم هي وزوجها لمول العرب الشهير بمدينة 6 اكتوبر، للدخول إلي محل "سبينس"، وقام أحد أفراد الأمن بمنعها من الدخول، قائلا " ممنوع دخول العبايات وده قرار من مدير الأمن".
وأضافت النجار عبر صفحتها الشخصية علي موقع التواصل الاجتماعي "فيس بوك" أنها حاولت أن تنتظر مدير الآمن، للتحدث معه ، ولكنه لم ياتي، وقامت بالدخول، وشراء احتياجاتها، وذهبت بعد ذلك لـ"الفوت كورد" منطقة المطاعم ، مؤكدة علي وجود سيدات كثيرة تلبسن العبايات، والنقاب، وتقوم بسؤالهن علي انه تم منعها من الدخول أم لا، ولكن يجيبن بلا قائلين "آمال عايزنا نلبس إيه".



وسردت قائلة: "وأنا خارجة عديت علي بوابة تانية انا خارجة عديت على بوابة تانية سألت هل فعلا فيه قرار بمنع دخول العبايات البنت قالتلى أيوه قرار لسه نازل قولتلها وده هيتنفذ إزاى قالتلى اللى لابسة عباية مش هتدخل واللى منقبة هشوف بطاقتها وهترفع النقاب اشوفها قولتلها انا اكلم مين هنا شاورتلى على واحد واقف بيتكلم فى التليفون قالتلى ده المشرف بتاعنا".
وأضافت " وقفنا معاه جوزى كلمه فرد قال إحنا منقدرش نعمل حاجة ده قرار من الحكير ذات نفسه صاحب المول اللى هو اصلا سعودى وجوزى قاله إمال احنا لو مش فى دولة مسلمة هتعملوا ايه وهو يقدر ينفذ قرار زى ده فى السعودية وانت لو جالك واحدة لابسه مايوه هتدخلها عادى "
وأشارت قائلة " قلتله اكتبه يافطة وانا قولتله اكتبوا يافطة كبيرة زى بتاعت الاعلانات بره المول واكتبوا ممنوع دخول اللى لابسين عبايات وشوفوا رد الفعل ودى صورتى باللبس اللى كنت رايحة بيه ".
وأنهت كلامها قائلة " الخلاصة من الرغى ده احنا ازاى وصلنا للسفالة دى وحريات ايه وهباب ايه اللى بتتكلموا عليها والله غضب ربنا هيبقى كبير وكله هيروح فى الرجلين"
ودشنت هاشتاجات: "‫#‏مصر‬#عايزانا#نقلع#ياولاد"