نشر محمد معوض، الصحفى بأحد الجرائد الخاصة، مقطع فيديو لإنتشال جثة أحد الغرقى بنهر النيل، فى منطقة الدقى .
وروى "معوض" التفاصيل الكاملة عبر صفحته الشخصية، قائلاَ: "للأسف وأنا راجع من شغلى لقيت مركب فى النيل قدام قسم الدقى تحت كوبرى الجلا، المهم المركب ده فى ٣ أشخاص واحد منهم ماسك بطانية فى أيده وماسك حاجه فى المياه" .
وأضاف "معوض": "استغربت والفضول خلانى عاوز اعرف ايه اللى ماسكه، خصوصا وانى فى ظابط فى لنش الشرطة بيقوله خبيه تحت الكوبرى، بتاع المركب حب يبعده عن مكانه وابعد الجثه للشاطئ الثانى، بتوع المرسي اتخنقوا معاه وخلوه يبعدها عن المرسي" .
وتابع: "راح على مكان تانى مراكبي تانىً اتخانق معاه، كل ده وانا متابع الموضوع والجثة حائرة مِن مكان لمكان، طبعا المواكبة شافنى وانا بصور قاللى الباشا هو اللى قاللى اعمل كده، قولتله حرام عليك اكرام الميت دفنه" .
واستطرد: "بكلم الظابط قاللى مين حضرتك وبتصور ايه.. قالتله أنا صحفى ، قاللى اتفضل.. بقوله حضرتك بتعبد الجثه ليه ومطالعتهاش بره المياه ، راح مزعق للمراكبي وقال له خبيه تحت الكوبرى، استمر ده اكثر من ٣ساعاتً" .